Utplassering på arbeidsplass

 Veka før påska og veka etter påske har Bremanger kulturskule hatt besøk av til saman 4 elevar frå 9 klasse på Hauge og i Svelgen. Alle desse er svært interessert i musikk og hadde lyst å få innblikk i kva vi styrer med i kvardagen. Dei har vore med på klasseromsundervisning alt frå 1 klasse og opp i ungdomsskulen - musikkbarnehage, korps, band, kor, rigging på konsert, leie konsert, aspirantar og i kunstskulen med Reidun. Alt i alt svært variert - noko som også prega kvardagen til mange av oss.  Vi håpar dei har likt seg godt med oss.Vi tykte iallefall det var trivelig med "besøk".

Publisert 23 mars 2011

Saum
Kurs for vaksne -hausten 2011

Eit kurs for deg som vil ha klede ingen andre har!

Ved hjelp av mønstre frå moteblad og eigne innkjøpte eller brukte  stoff skapar du eigne kreasjonar 10 kveldar á 2 timar.

Utstyrsbehov:

Burdablad (modell + mønster)

Stoff og tilbehør

Symaskin

Påmelding på eige skjema som du vil enten finne her på våre sider eller bak på "vaksenbrosjyre" som kjem i posten.

Publisert torsdag 21 okt.2010 - 

Sjå alle bilda frå besøket :  http://www.bremangerkulturskule.info/32090557

Ein mørk haustkveld med snø og slaps rota kulturskulens utskremte medarbeidar seg inn på formingsalen på Hauge skule.  Dagens oppdrag var besøk til "REDESIGN-gruppa" i kulturskulen på Hauge, ei gruppe med både vaksne og unge deltakarar.

Summing av symaskiner og lavmælt prat  møtte meg når eg entra døra. Ikkje så mange som glytte opp – dei var djupt konsentrert i eige arbeid. Rundt dei låg  tøyrestar av gamle dynetrekk, blomstrete strømpebukser og gamle strikkegenserar. Eg helste pent og tok fram kamera med ein gong for å kunne "knipse" dei i arbeidet. 

Kulturskulelærar i kunstskulen, Reidun viste stolt fram elevane sitt  arbeid - og sitt eige eksempel på ei litt uferdig veske, laga av eit gardinstoff som ho har vattert! Vattering er tema no – og redesign-elevane har laga vatterte gryteklutar med ulike border og mønster. 

I to timar for veka sit dei slik ilag .”Alt for kort tid” sa ei av dei vaksne elevane idet ho skulle til å gå heim.  Det var heilt tydeleg at dei trivast med arbeidet og har lyst å lære endå meir.

Ein av elevane laga  seg ei rosa blomstrete bukse av eit dynetrekk og fekk litt hjelp med eit mønster som såg svært innvikla ut. Det er ikkje berre gryteklutar denne gjengen har laga – dei har laga sminkevesker, puter og vesker i mange ulike materiale. Noko hamnar sikkert under juletreet denne jula tippar eg.

Ei har investert i ei flunkande ny symaskin som til og med kunne sy vakker søm med ulike motiv og bokstavar. ”Ei slik flott maskin kan sy heilt aleine”, seier ho og ler. Eg hugsar med grøss og gru på mi eiga maskin (som eg ikkje eig sjølv eingong) der undertråden rota seg til og lagar gigantiske floker på baksida av saumen. Og ingen gløymer handarbeidsalen på 80 talet -der vi sat  med kvar vår gammal symaskin- og ikkje ei av maskinene ville gå skikkelig.Timane gjekk igrunnen med til å vente på hjelp. Men med dagens symaskiner er det visst ikkje SÅ mykje trøbbel med- tidene endrar seg heldigvis.

Bort ved eit bord står ei ung jente og klipper ei remse som skal verte eit kantband til ein gryteklut -  eg tilbyr meg å hjelpe å feste den med nåler etter beste evne. Det var like før eg fann mine eigne stoffrestar og fann meg ein symaskin sjølv. Dette ser kjekt ut! 

Redesign kan vere veldig forskjellig men hovudtanken er å skape nytt av gamalt. Og er ikkje dette miljøvenleg så veit ikkje eg.  Dette kurset er sterkt å anbefale både for den miljøbeviste eller for deg som vil vere kreativ på ein ny måte. Vi håpar på nye kurs neste år! 

Sjå fotoalbum frå besøket i vår meny merka REDESIGN fotoalbum

Ei flott sommaravslutning i kulturskulen på Hauge på laurdag 5.juni- starta med kunstutstilling på "Skjeret"  kl 12. 00-  bilder, mala og teikna av kunstelevane. Det var nokre musikalske innslag - og Reidun presenterte kunsten for publikum. Det vart sjølvsagt servert "champagne" i stettglass! Det høyrer med på slike arrangement.

Kl 15.00 var det musikarane og dansarane som fekk vise seg fram på scena i Bremangerhallen. Det var sal av kaffi og kaker av Norway cup gjengen - og dei hjelpte til med stolar og bord! Tusen takk!Vi håpar dei fekk seg litt pengar i reisekassa.

Programmet var variert og det var elevar frå alle årssteg - frå 5 åringar  til 10 klassingar. Det har vore eit godt kulturskuleår 2009/2010 - og vi gleda oss allereie til neste år for å gjere ting endå betre !